(1976) Plegaria
E na picorota d'un monte asturiano,
dientro d'una cueva tien la só morada,
la santa Santina, per todos querida,
la virxen pequeña, la virxen galana.
La madre melguera de l'Asturies ruda,
de l'Asturies noble, de l'Asturies brava;
la que i dío regaños al rey don Pelayo
pa char la morisma del tarrén d'España.
A la que xemimos cuando tamos mustios,
cuando la disgracia nos ablaya l'alma;
de magar la vida l'anduviemos toda
y ya no asperamos d'esti mundo nada.
Aondi va la madre a facer promesa
cuando los sós fiyos tan malos na cama.
Aondi va la vieya cuando acoxa'l vieyo,
ta la tierra seca o la vaca mala.
Au cuerri la moza que tien mal d'amores
a beber el agua de la só fontana;
pos cunten hestories que quien d'ella bebe,
por mor de la santa, 'n el año se casa.
Au sube la gaita los días de fiesta
con sós dolces sones d'allegre alboriada,
a cantar la copla d'amor encendía,
al pie de la virxen pequeña y galana.
Au suben los mozos co la vara'l hombro
a facei la ronda, tonada a tonada,
a decíi piropos, a facela rise,
d'amor y de gusto, a la virxen santa.
Yo voy a pidite, mi bona Santina,
qu'ascuches los versos de la mío plegaria;
y esta Asturies, tuya, la tengas en cuenta
dandoi siempre'l gozo de vevir tó gracia.